I klassa kvinner senior sprang meisterskapsdebutant Eli Anne
Dvergsdal (Gular IL) inn til ein glimrande 2.plass, berre slått av
fleire gonger tidlegare Europa og verdensmeister Andrea Mayr frå
Østerrike. Tida til Eli Anne blei 53:05. I kvinneklassen sprang
elles Merete Weng frå IL i BUL inn til ein flott 22. plass med tida
57:22
Og EM-oppturen skulle halda fram. I klassen menn junior, sprang
nemleg Stian Øvergaard Aarvik (Gneist IL) inn til klar siger med
tida 48:17 i det 8,2 km lange løpet med 850 m stigning. Han var med
rundt 50 sek føre dei to tyrkarane Abdullah Yorulmaz og Mustafa
Gøksel. Daniel May Instanes (Varegg fleridrett) fekk sin
internasjonal debut med ein strålande 17.plass i sist fyrste EM.
Tida hans blei 53:55 min og Daniel gjorde ein flott prestasjon i
konkurranse med 41 av Europas beste juniorar.
I klassen menn senior både overraska og krona Johan Bugge
(Eidsvåg IL) frå Nesset kommune i Møre og Romsdal det heile ved å
ta sigeren framføre tidlegare Europameistrar og World Cup-vinnarar.
Tida hans blei 1:02:35 t i det 11,8 km lange løpet med 1250 m
stigning.
Johan Bugge vann gull i EM for senior. Foto: Bjørn
Instanes
Med den tida var han 14 sek framføre nummer to David Schneider,
Sveits, og 21 sekund føre nr tre Alex Baldaccini, Italia. I
herreklassen sprang elles Torstein Tengsareid (Egersunds I.K.) inn
til ein flott 21. plass med tida 1:06:39 i konkurranse med 66 av
Europas beste menn.
Resultata i EM overgår alle ambisjonane og forventningane
Friidrettsforbundet hadde før meisterskapet, og vi er stolte av
både prestasjonane og utøvarane våre! Resultata i EM, saman med
Stian Hovind-Angermund (Varegg fleridrett) og Thorbjørn T.
Ludvigsen (Bergen Løpeklubb) og fleire andre sine fantastiske
resultat i løpsfestivalen Mont Blanc Marathon nyleg, syner at norsk
motbakkeløping for alvor har teke skrittet opp i den internasjonale
motbakkeeliten, seier Jostein Hatteberg, leiar i
Motbakkeløpsutvalet i Norges Friidrettsforbund